अदालतले प्रतिनिधिसभा पुनःस्थापित नगरे सडकबाटै संसद् पुनःस्थापित गरिने पूर्वमन्त्री एवं जसपाका केन्द्रिय कार्यकारिणी सदस्य मोहम्मद इस्तियाक राई

जनता समाजवादी पार्टी (जसपा) ले प्रतिनिधिसभा विघटन विरुद्ध नेपालगञ्जमा विरोधसभा गरेको छ । त्रिभुवनचोकमा आयोजित विरोधसभामा   पूर्वमन्त्री एवं जसपाका केन्द्रिय कार्यकारिणी सदस्य मोहम्मद इस्तियाक राईले अदालतले प्रतिनिधिसभा पुनःस्थापित नगरे सडकबाटै संसद् पुनःस्थापित गरिने चेतावनी दिए । उनले संविधानमै नभएको व्यवस्थालाई टेकेर गैरसंवैधानिक कदम चाल्ने प्रधानमन्त्री वली अहंकारी भएको बताउदै राईले प्रधानमन्त्री केपी शर्मा वलीको असंवैधानिक र प्रतिगामी कदमका कारण मुलुक अस्थिरताको भूमरीमा फसेको बताउदै राईले राष्ट्रपति विद्यादेवी भण्डारीसमेत संविधानको बलात्कार गर्ने प्रधानमन्त्री वलीको मतियार बनेको उनीहरूले बताए ।

विरोधसभामा कार्यकारिणी सदस्य अकबाल अहमद शाह र अमृता अग्रहरीले प्रधानमन्त्रीको सनकका भरमा प्रतिनिधिसभा विघटन भएकाले तत्काल पुनःस्थापित हुनुपर्ने बताए । प्रधानमन्त्री वलीले लोकतन्त्रको हत्या गरेको दुबै जनाको जिकिर थियो ।

प्रतिक्रिया दिनुहोस