धर्मगुरु गुरमित राम रहीम सिंहलाई दश वर्षको जेल

भारतमा सीबीआईको विशेष अदातलले विवादित धर्मगुरु गुरमित राम रहीम सिंहलाई आफ्ना दुईजना महिला अनुयायीहरुलाई बलात्कार गरेको अभियोगमा आज दश वर्षको जेल सजाय सुनाएको छ ।
उहाँलाई बलात्कारको अभियोगमा गत हप्ता सोही अदालतले दोषी ठहर गरेको थियो । अदालतले १५ वर्ष अघिको बलात्कार घटनामा दोषी भएको ठहर गरे लगत्तै हरियाणा र पञ्जाव राज्यहरुमा ठूलो स्तरको दंगा मच्चिएको थियो ।
उहाँका समर्थकहरुले हिंस्रक प्रदर्शन गरेपछि ३८ जनाको ज्यान गएको थियो । फेरि हिंसा शुरु नहोस् भनेर हजारौं दंगा प्रहरीहरु परिचालन गरिएको छ । ति गुरुको आश्रम डेरा सच्चा सौदा रहेको स्थान सिरसामा कर्फ्यू लगाइएको छ ।

 

प्रतिक्रिया दिनुहोस